Zot tire ene étudiant so caleçon, zouer ar so sexe ek poster vidéo la lor Facebook

You can also highlight the text to listen to it.

Avish, ene étudiant ki dans Form III, in passe ene sale quart d'heure dans la main trois lot étudiants so collège, mercredi 5 avril.




Loading...

Avish*, 14 ans, dire ki ca zour la li ti malade. Lin informe so recteur. Banla in amen Avish dans Rest Room. Avish raconter:

Vers 12 h 30, trois collégiens Form IV in rentre dans Rest Room ek commence prend nissa ar moi. Ene la in faire pipi lor mo sketch pad. Mo pan kav dire zot nanyen parski zot pli grand ki moi. Mon ré allonge moi. Mais 2 garçons ladans in immobilise moi par mo lébras. Lot la in tire so portable ek commence filmer. Lin désan mo caleçon ek commence tripote mo sexe. Après ca, li dire moi li pou al mette ca lor Facebook ek Instagram.

En effet, zot in posté vidéo la lor Facebook ek Instagram mais zot in efface li après 1 zour. Avish in traumatisé. Lin raconte tou so papa kan lin rentre lakaz. So papa dire:

Mon al station la police Curepipe toute suite. Zot dire moi ca cas la concerne Cybercrime Unit ca. Laba, ene officier in exige pou ki station Curepipe enregistrer mo plainte. C'est zis vendredi ki noun kav donne déposition. Nous réclame ban sanctions exemplaires contre ca 3 étudiants la.

* prénom modifié