Zot agresse ene étudiante 19 ans dans bus

You can also highlight the text to listen to it.

Amiirah, ene étudiante dans ene collège dans Port-Louis, finn agressée dans bus par ban lézot tifis jeudi dernier.




Tout in commencé lor ene bus-stop lor la rue Desforges. Amiirah* ti p atan bus. A côté ar li, ti ena ban étudiantes ene lot collège ki ti p avoy jus lor zot camarades.

Impé jus in fane lor Amiirah. Lin demande banla gentiment faire impé plus attention. Mais ban tifis la in mal prend ca rémarque la. Zot in commence zour li.

Kan zot in monte dans bus, ban tifis la in commence risse so cheveux ek batte li kout bouteille délo. Kan lin essaye évite ban coups la, lin fracture so auriculaire.

Loading...

Chauffeur bus la in bizin arrête bus ek vin aide controleur pou sépare banla.

Amiirah, ki dans Lower Six, in raconte tout so mama kan lin rentre lakaz. So mama in al zouen rectrice la lé lendemain. Rectrice la in encourage zot pou porte plainte la police.

Vendredi tanto, Amiirah in al l'hôpital ar so mama avec ene forme 58. Zot in mette plâtre lor auriculaire Amiirah.

Ensuite, Amiirah in donne ene déposition contre ban tifis la station la police Abercrombie.

Amiirah dire ki li népli senti li en sécurité parski lin gagne ban menaces ar camarades ban tifis la.

Brigade des mineurs p dirige l'enquête la.

* prénom modifié

Source: Defimedia