[Vidéo] Mo Problem: Li kraz ene ti toutou ar so van dans Bambous

You can also highlight the text to listen to it.

Ene grand lé 1er janvier, mo madame ek moi nous p sorti la mer. Noun arrive Bambous kan mon trouve ene ti toutou traverse chemin. Mon ralenti pou laisse li traverser. Nek ene van ena pou doubler moi ek passe lor toutou la...




Ene vision horrible ! Ene laraz indescriptible pou ca sovaz la. Lin bien trouve zanimo la, mais li même pan ralenti ou essaye évite li parski li ti presser. A ki point li ti presser ???

Mon arrête loto au milieu chemin pou pas laisse ene lot loto doubler. Toutou la ti p ramper pou al lor bas côté chemin. Kan mon prend li, li ti p plorer ek crier ar douleur. Ene loto in arrêté pou aide nous trouve ene vétérinaire.

Après plusieurs tentatives d'appels, Dr Bestel in accepté recevoir nous malgré ki li aussi ti envi passe ene ti moment trankil sa premier janvier la.

Rouler al Tamarin. Faire ene radiographie ar li ek trouver ki so femur droite in cassé. Li pou guéri parski li encore jeune.

Ene vieux madame in accepté garde li mais li pas kapav occuper. Alors, mo madame ek moi tous les zours nous p al occupe li. 

Akoz ene sel couillon (mot la pa assez fort), guette ki kantité dimounes p bizin mobiliser. Akoz li pan prend so responsabilité lor la route. Akoz li péna léker....

2016 in allé mais dimounes pas p sanzer même. Léker la p reste roche même.

Merci à tous ban dimounes kin répon à l'appel. Merci aussi à PAWS kin accepté recevoir nous, mais nous ti pli près avec Dr Bestel. Merci à tous zot ban messages. Merci à zot dévouement pou ene ti zanimo.

Zordi lé 11 janvier, noun réssi trouve ene bon famille d'adoption pou toutou la. Si chauffeur van la p lire ca message la, mo espérer so léker sanzer. Aide mwa partage vidéo la pou sanz mentalité dimounes.

Jonathan

Loading...