Shravan, 12 ans, bizin faire ene greffe lérein: “Mo pou mort si zot pas aide moi”

You can also highlight the text to listen to it.

Shravan, 12 ans, ti kouma tou garçon so l'âge... ziska so lérein in arrête fonctionner. Azordi, Shravan bizin ene transplantation rénale pou reste en vie.




Shravan entouré de so famille.

Shravan so mama, Rekha, pou faire don de so lérein pou aide Shravan. Zot pou faire opération la dans l'Inde. Opération la pou coûte Rs 1 million. Mais parents Shravan in réssi ramasse nek Rs 150 000 ziska ler. C'est pour ca ki zot p demande ene l'aide ar tous ban Mauriciens. Shravan dire:

Aide moi. Mo bizin zot pou contine vive. Mo pou mort si zot pas aide moi.

Loading...

Shravan so papa, Sanjiv, 46 ans, travaille kouma steward dans ene l'hôtel dans l'Est. Rekha, 38 ans, femme au foyer. Mama la pan hésité 1 sel seconde pou donne ene so lé rein so garçon. Li dire:

Mo garçon c'est mo la chair. Mon dire oui toute suite kan mon apran ki nous compatible. Mo envi donne li ene chance pou vive.

Papa la ajouter:

Opération la coûte Rs 800 000. Lé reste Rs 200 000 la pou servi pou paye billets d'avion ek logement. Mo p al avec mo madame ek mo garçon. Si tout passe bien, nous pou faire nek 1 mois dans Sir Ganga Ram Hospital dans Delhi.

Si ou envi aide ca famille la, ou kav faire ene virement bancaire lor numéro compte 012 000 001 270 (MauBank). Zot aussi kav faire ene donation online: