Rose-Hill: Li traîne ene étudiante 19 ans dans ene garage avant essaye viol li

Nishi, ene étudiante ki habite dans l'Est, in vive ene expérience traumatisante lé 12 novembre dans Rose-Hill.




Ca zour la, vers midi, Nishi* in recevoir ene call dépi so copain. So copain dire li vin zouen li Plaza. Nishi, ki ti la rue Vandermeersch, in prend la rue Malartic pou al zouen so copain. Ca l'heure la pas ti ena boukou circulation.

Loading...

Nishi ti p marcher dans la rue Malartic kan ene zom in accosté li. Nishi dire:

Mo pas kone li. Li ti paraite ene 30 ans parla. Li ti taille moyen. Li ti mette jean noir ek T-shirt bleu.

Boug la in trap Nishi so la main par force. Li dire li:

Faire kouma dire tout normal sinon mo blesse toi.

Nishi in paniqué. Lin reste emplace. Boug la in traîne li dans ene garage impé pli loin dans ene coin isolé. Nishi raconter:

Dans garage la, lin ré menace moi ek dire moi pas faire tapaz. Lin ouvert mo blouse ek touche mo parties intimes. Ensuite, lin essaye tire mo pantalon.

Zis dans ca l'heure la, ene véhicule la police ti p passer ek so gyrophare ti allumé. Boug la in bouré.

Nishi in al station la police Rose-Hill pou rapporte ca agression la. Li dire ki li kav réconnaîte so agresseur. La police p rode li.

* prénom modifié