Rose-Hill: Ene femme kin mette burqa attaque ene bijouterie


Ene femme kin mette linz traditionnel islamique in attaque ene bijouterie dans Rose-Hill. Valeur butin la Rs 174 000.




C'est ene vol ki sorti de l'ordinaire kin passé kot ene bijouterie dans Rose-Hill hier mardi 10 janvier, vers 2 heures tanto.

Ene femme ki ti mette ene burqa, ene linz traditionnel islamique ki récouvert lécorps ek figir, in présente li dans ene bijouterie ki trouve lor la rue royale dans Rose-Hill.

Loading...

D'abord, femme la in demande pou essaye ene bracelet en or. Li dire vendeuse la ki bijou la trop tipti pou so poignet. Lin essaye ene deuxième bracelet. Ensuite ene troisième.

Vendeuse la in donne li bijou ki lin content la mais in laisse lot 2 la lor comptoir. Ca ler la, femme la in cokain 2 bracelets la ek bourrer.

Dehors, ti ena ene motocycliste ki ti p atan li. Femme la in grimpe par derrière lor motocyclette ek boug la in démarré pou  al vers centre Rose-Hill.

La police p rode ca 2 dimounes la.