Rakesh Gooljaury: “Mon perdi partout, mo p travaille dans mo madame so magasin aster”

You can also highlight the text to listen to it.

Rakesh Gooljaury, ene businessman proche ar ex-Premier ministre, ti ena ene empire ki vaut plus ki Rs 1 milliard. Azordi, li dire li pena nanyen ek p vive lor crochet so madame Hannah.




Rakesh Gooljaury ek so madame Hannah

Loading...

Rakesh Gooljaury dire:

Mo dans difé. Mon perdi partout. Bizin récommence à zero. Mo madame Hannah ki p aide moi. Li ena so magasin opticien. Mo p travaille avec li. Apart li, mo pena bel kamwad ki rester.

Nous rappelle ou, en passant, ki Rakesh Gooljaury maryé ar tifi opticien Farouk Hossen. Li dire ki 2016 ti ene l'année bien difficile pou li:

Ti ene l'année bien bien dure pou moi. D'abord mon perdi mo papa. Ensuite, in condamne moi dans zafer Roches-Noires. Aster, mon perdi mo business. Bien pas bon... Mo pas ti atan ki pou place mo ban compagnies sous administration judiciaire.

Li dire ki li pan gagne cash kan Don Bryan Foong Liong Foo Kune in acheté so ban franchises:

Ene roupie mo pan gagné ladans. La banque in prend chèque direct kot notaire.

Rakesh Gooljaury chagrin ki lakaz so parents dans Petit Verger, St-Pierre risquer saisi:

Lakaz mo parents kot mon vive pendant longtemps risquer saisi. Mo mama bien down.

Couple Gooljaury

En plus de ban franchises ki li ti posséder kouma Hugo Boss, Rakesh Gooljaury so ban produits ki vaut par millions, so ban magasins ek so ban campements, notamment dans Flic-en-Flac finn saisis.

Li dire ki li pas facile pou li gagne ene loan pou ré demarre ene business aster. Li aussi dire ki li reste loin ar politiciens aster.

Mais Rakesh Gooljaury dire ki li compte récupère Rs 76 millions ki li ti “prête” Nandanee Soornack pou finance Airway Coffee, pou acheter ene lakaz dans Réunion, Vacoas pou so garçon ek pou acheter lakaz Didier Maingard dans Floréal pou famille Soornack.

Li dire ki ena aussi environ Rs 10 millions pou l'achat ene lakaz pou soeur Nandanee Soornack dans Italie. Li dire:

Mo ti p ramasse mo la paye. Mon accumule ca dans compagnie, mon donne li pou asté lakaz Didier Maingard. 60 millions roupies l'équipement finn metter dans Airway Coffee.