Prostitution de luxe à Maurice: Entre Rs 3 000 ek Rs 6 000 pou 1 heure temps


Pas tout Mauriciens ki kav afford paye entre Rs 3 000 ek Rs 6 000 pou passe 1 heure temps avec ene prostituée de luxe. Incursion dans l'univers ca ban prostituées de classe la...




Dans l'univers prostitution de luxe, ban femmes la ena ban lécorps de rêve, grosses poitrines ek jambes fines. Zot kone satisfaire tout ban désirs sexuels zot clients.

Gros majorité ca ban femmes la à Maurice c'est ban mères de familles divorcées. Souvent zot in commencer dans ban salons de massage. Ena lézot ki forme parti ban réseaux bien organisés. Ena encore ki gagne ban touristes comme clients grâce à ban chauffeurs taxi mauriciens.

Ca ban femmes la vende zot charme zis ar ban clients ki ena cash ou ban touristes ki "on sex tours" à Maurice. Ene ban prostituées la dire:

Kan nous limite nous service à ca ban kalité dimounes la, nous diminuer risque ki ena agression, sévice sexuel ou contamination. Nous premier condition c'est utilisation capote.

Li dire ki ena clients croire ki tout permis akoz zot p paye cher. Au fait, zot tarif varier entre Rs 3 000 ek Rs 6 000 par l'heure temps ek Rs 10 000 ek Rs 20 000 pou ene nuit. Li raconter:

Ena clients croire ki nous bizin faire tout c ki zot oulé. Trois fois, ban clients ki ti retenir mo service pou ene la nuit in propose moi pou faire threesome ek ene so camarade. Mon réfusé catégoriquement.

Ena prostituées ki pas pratique sodomie aussi.

Saken so mode opératoire différent. Ene prostituée ki ena 28 ans ek ki travaille dans l'Ouest dire ki li voyage dans bus pou al kot so ban clients. Ene lot dire ki ban clients la envoye ene taxi pou passe prend li ek après rétourne li so lakaz.

Deux raisons principales ki pousse ca ban femmes pou prostituer zot c'est situation financière ek situation familiale difficile. Souvent zot ena ban zanfans pou nourri. Ene prostituée raconter:

Ti difficile pou faire bouille mo marmite ek nourri mo ban zanfans avec ene la paye Rs 10 000 par mois kan mo ti ene vendeuse dans ene magasin. C'est pas par plaisir ki mo vende mo lécorps. Mo faire li pou mo ban zanfans pas manque nanyen.

La plupart ban prostituées la d'accord pou dire métier prostituée de classe la li de courte durée. Zot clients rod nek ban femmes ki ena moins ki 40 ans. Zot dire:

Plus to jeune, plus to ena market value. C'est akoz ca ki nous économise nous l'argent ek ki nous prépare nous pou change travail par la suite.

Ena ki envi ouvert salon massage plus tard, ena restaurant ek ena ki envi al établi dehors. Ena encore ki envi zouen ar ene client friqué, ki pas maryé, pou li kav faire so la vie avec li.

Majorité ban prostituées la dire ki zot préfère ban touristes ki ban Mauriciens pou 3 raisons:

  • Mauricien la croire ki prostituée la in vin pou li après ki lin paye li. Li même vin collant par la suite.
  • Ban Mauriciens la faire palabres ek al raconte zot tout ar kisanla zot in dormi.
  • Ban touristes la zamais pas négocier lor prix ban prostituées la imposer contrairement à ban Mauriciens.

Loading...