[Mo Problem] Mo femme trompe mwa ek fitness coach ene concours de beauté local

You can also highlight the text to listen to it.

Mo ti envi partage avec zot ene zafer personel kin arrive avec mwa pou ki population koner ki passer dans ban concours de beauté koumsa.




Mo sorti avec mo femme dépi 4 ans. Toultan mon supporte li, dans so éducation, kan lin envi faire modeling, kan lin envi participe dans ene concours de beauté.

Mon donne li tout mo support, mo l'amour, ek même côté finances. Mais dépi ki lin décide pou participe dans ca concours de beauté la, lin commence éloigner ek faire foutant avec mwa.

Mo ti bizin koner ki p arriver. Mon check so portable. Mon batte ar ban messages obscènes ek ban nude photos entre fitness instructor concours la ek mo femme. Zot ti p sexchat en vidéo derrière mo lédos.

Boug la, ki supposé ene professionel ek même parmi judge panel la, in profite immaturité ek naïveté ene candidate. Lin dire li li pou faire li gagne pli boukou points si li faire c ki li demander.

Loading...

Ek mo femme, telment li ti envi gagne ca compétition la, in laisse li piégé. Ki koner, kav zot pou trouve li em gagnante dans finale ki pou ena lieu ca samedi la.

Kan mon trouve ca ban messages la, mo léker in cassé. Mon même pense pou suicide mwa. Mais mo famille ek mo ban camarades in donne mwa ban bon conseils.

Mon cassé avec mo femme. Lin senti li extra guilty, mais ti bien trop tard.

Mo p poster ca message la surtout pou ban parents ek ban zom ki laisse zot femmes participe dans ca kalité concours la.

Ca fitness coach la in servi ca platforme la pou faire ban actions pareil. Ek mon gagne compte lin faire ca pas zis ar mo femme, mais plusieurs lot.