Li viol so soeur 16 ans, tifi la enceinte


La police in arrête ene garçon 18 ans ki zot soupçonner in viol so soeur ek faire li enceinte.




Mama tifi la, ki habite Port-Louis, in découvert zistoire la kan lin rémarqué ki so tifi so comportement in changé ek so ventre in commence vin rond.

Kan lin presse so tifi ar questions, tifi la in fini par dire la vérité. Li dire ki so frère viol li dépi l'année dernière. Lin rémarqué ki li népli gagne so règles (period) dépi impé létemps. C'est koumsa ki lin comprend ki li enceinte.

Loading...

Mama la in rapporte cas la Child Development Unit (CDU). Lé 2 mars, ban responsables CDU in rann ene visite tifi la pou écoute so version. Ensuite, zot in accompagne li station la police kot tifi la in dépose ene plainte.

Lin raconte la police ki so frère in viol li plusieurs fois dans zot lakaz. Mama la pas ti dans lakaz kan ca ti p passer.

Finn amen victime la l'hôpital kot in découvert ki li enceinte 28 semaines. Li ti sous observation médicale pendant 2 zours. Ensuite, CDU in prend li en charge ek place li dans ene refuge. Finn aussi faire ban démarches pou li gagne ene Emergency Protection Order.

La police in arrête suspect la vendredi 3 mars. Lin nié ban accusations contre li la. Li faire face ene charge provisoire viol.

Source: Defimedia