Li suicide li après ki li poignarde so deux belles-filles


La police ti p rode ca boug 52 ans la dépi dimanche kan li ti agresse so 2 belles-filles kout couteau. Finn rétrouve so lécorps azordi, mercredi gramatin dans Khoyratty.




D'après nous ban renseignements, Nilwant Manick, ene habitant Grande-Retraite, finn mette pendi. C'est ban passants kin faire découverte la. Zot in call la police ki sur place actuellement.

Loading...

Dimanche, Nilkant la ti rentre lakaz sou asoir ek in tombé devant so la porte. Kan so femme, Rehana Manick, ek so deux belles-filles (ban tifis mama la) in vin leve li, li dire li pas bizin zot l'aide, li kav leve li par li même.

Kan banla in demande li kifer li boire autant, lin amerdé. Lin al prend ene couteau dans la cuisine ek poignarde 2 tifis ki ena 16 ek 14 ans la. Ensuite, li ti sauver.

Tou lé 2 tifis dans ICU dans l'hôpital Flacq.