Li flush so foetus 2 mois dans toilette

You can also highlight the text to listen to it.

Melissa, 33 ans, finn arrêté par la police Stanley mardi 9 août. La police soupçonner ki ca mama 2 zanfans la in faire ene avortement illégal.




Loading...

Melissa (prénom fictif) ti al l'hîpital Victoria lé 6 août parski li ti p gagne ban saignements. Docteur kin examine li la in constaté ki kitsoz pas normal ek in commence soupçonner ki Melissa in pratique ene avortement. Docteur la in informe la police.

Entre-temps Melissa in admette dans l'hôpital. Lin gagne décharge lé 9 août. Mais kouma li sorti l'hôpital, la police Stanley in arrête li.

Kan in interroge li, lin avoué tout. Lin dire la police ki li ti enceinte 2 mois ek 2 semaines:

Mo pas ti oulé ene lot zanfan. Akoz ca lé 25 juillet mon prend ban comprimés pou avortement. Mo ti p saigner boukou. Mon jette foetus la dans toilette.

Melissa ti p contine saigner pendant plusieurs jours, c'est akoz ca ki lin bizin al l'hôpital.

Melissa in comparaite devant la cour Rose-Hill pou avortement illégal. Lin libéré lor caution.

Source: Defimedia