Kavi Rungloll: “Amlesh so madame ti dire moi ki Reena p trompe moi ar so mari”


Kavi Rungloll ti koner ki so madame Reena ti p trompe li ar Amlesh Mahadeo. Li raconte nous so version...




Kavi Rungloll

Kavi Rungloll, 44 ans, fek perdi so madame Reena, 34 ans. Amlesh Mahadeo in touy li kout couteau lundi 31 octobre. Kavi raconte nous kouma li ti rencontrer Reena au début:

Mo ti zouen Reena en 2003 dans mandir (temple). Nous ti change numéro portable ek noun kozer lor téléphone 2-3 fois. Ensuite, noun sorti ensam avant tombe amoureux. Lerla noun informe nous parents ek noun maryé 1 an plus tard. Noun gagne 2 zanfans, ene garçon ek ene tifi. Azordi mo garçon ena 11 ans ek mo tifi 8 ans.

Loading...
Reena

D'après Kavi, tout ti korek entre zot ziska 2014 kan lin apran ki Reena ti ena ene relation extraconjugale avec Amlesh:

Amlesh so madame ti call moi pou dire moi ki Reena ti p amen ene double la vie ek ki li ti p sorti ar so mari Amlesh. Mon demande Reena ban explications ek li ti assure moi ki li pou casser ar Amlesh. Mo ti croire li ek mo ti pardonne li so erreur. Mais selment, nous ti p gagne laguerre souvent dans lakaz. Même ca, mon faire tout pou sauve mo mariage. Mo pas kompran kouma lin kav laisse li influencé koumsa par ca boug la.

Malgré tout, Kavi dire ki Reena ti ene bon mama:

Nous ti p faire tout pou ki nous zanfans heureux. Même si li ti p trompe moi, li pas ti mérite ene la mort koumsa. Lin faire ene erreur. Amlesh pas ti bizin touy li koumsa. Azordi mo ban zanfans p souffert. Zot in perdi zot mama ek zot p reste pose moi plein questions. Mo ban parents p essaye console zot komié zot kav. Zot traumatisés.