Gagne cigarettes roulées ar ene collégienne 12 ans

Ruksana, ki dans Form 1 ek ena 12 ans, finn renvoyée dépi so collège akoz in gagne ban cigarettes roulées ar li.




Ruksana ek so papa.

Ruksana* dire ki c'est ene groupe 4 camarades ki dans Form 2 kin piège li:

Ene camarade in dire moi ki zot in trouve ene entre ca 4 la met ca sac plastique la dans mo sac à dos kan mo ti p al collège. Dans classe mon rémarque sac en plastique la. Mon paniqué, mon cachiéte li endans mo uniforme sans même ouvert li.

Loading...
Cigarette roulée

Impé pli tard, rectrice in convoque Ruksana. Ruksana raconter:

Zot in fouille mo sac à dos, zot pan trouve nanyen. Zon dire moi ki mo p cachiéte kitsoz lor moi. Alors, mon tire sac plastique la dépi dans mo uniforme.

Au début, rectrice la ti croire la drogue ca ek in même call l'Adsu mais kan l'Adsu in trouvé ki ena nek feuilles tabac ladans, zon décide pou pas poursuive l'enquête la.

Ruksana so papa, ene marin 49 ans ki habite Plaine-Verte, dire:

Au plus aller, zot ti kav donne li ene warning mais pas renvoye li. Zot p traite mo tifi de dealeuse. Pas même la drogue ca, feuilles tabac ca. Kouma ou croire ene tifi 12 ans pou kav procure li ca ? So ban camarades in piége li. Malgré ca, mon demande pardon rectrice la. Mais li pan accepter mo excuses, li dire bizin transfert mo tifi.

C'est pou ca raison la ki papa Ruksana in porte plainte station la police Pope Hennessy jeudi. L'enquête p poursuive.

* prénom modifié

Source: L'Express




Loading...