Ene professeur croire ki so étudiante p riye li, li donne li ene kout poing

You can also highlight the text to listen to it.

Ene zelev Form V ki al ene l'école dans l'Est in gagne ene kout poing ar so professeur parski professeur la ti penser zelev la p riye li. Zelev la in suspend pou 1 semaine.




Vidya R., ene mama 35 ans ki habite Bel-Air-Rivière-Sèche, révoltée. So tifi Nisha* dire ki so professeur, ene madame 50 ans, in donne li ene kout poing.

Finn arrive ca lé 15 février. Vidya raconter:

Mo tifi in dire moi ki li ti dans classe p atan professeur computer. Li ti p kozer riyer ek so ban camarades. Kan professeur la in rentre dans classe, lin pensé tifi la ti p riye li ek in donne li ene kout poing.

Vidya in al l'école so tifi pou demande ban explications ar rectrice la. Li dire:

Loading...

Zot in dire moi ki mo tifi ti p mal comporte li dans classe. Li pas ti p écouter, akoz ca so professeur in batte li. Mo tifi ti p plorer kan li ti p raconte moi ca. Ene professeur kouma kav agir koumsa ? Même si mo tifi ti ena tort, ena lot moyens pou faire li comprend. Li ti mérite ene punition, pas gagne batter. Rectrice la in écoute nek version professeur la. Li pan même considère mo tifi so version ek traumatisme par ki lin passé la. En plus, zot in suspend li pou 1 semaine.

Vidya in amen so tifi station la police pou dépose ene plainte, ensuite zot in al l'hôpital parski tifi la so figir ti vin bleu. CDU in prend charge ca case la.

Rectrice la, de so côté, dire:

Ca zafer la pas aussi grave ki so mama p dire. So tifi éprouve ban difficultés pou comporte li bien dans classe. C'est après ene énième plainte contre li ki noun décide pou suspend li.

* prénom modifié

Source: Defimedia