Ene jeune 19 ans agresse ene attendant ek ene infirmier dans l'hôpital Jeetoo

You can also highlight the text to listen to it.

Emayel Prosper, ene jeune 19 ans, in agresse ene attendant ek ene infirmier dans l'hôpital Jeetoo, dimanche 7 mai.




Emayel Prosper

Anand Seechurn, ene attendant 59 ans, ti p stérilise ban instruments médical kan lin tann ene patient p zourer dans couloir. Lin sorti pou al guetter. Emayel Prosper la dire li:

To ena intérêt faire mo pansement toute suite sinon l*** mama pou leve fort !

Loading...

Anand Seechurn dire Emayel, ene habitant Batterie-Cassée, ki ene infirmier pou occupe li bientôt, prend ene tigit patience. Malheur ! Emayel pan d'accord ar ca réponse la. Lin atan Anand vire so lédos pou donne li ban kout poings. Anand in commence crier:

Venkiah ! Patient p batte moi ! Vin sap moi !

Venkiah, ene infirmier 35 ans, in quitte so poste pou al guetter ki p passer dans couloir. Li trouve Emayel p batte Anand. Li essaye interpose li. Gros erreur ! Emayel in mange li aussi 2 kout poings dans figir.

Anand in blessé kot so la tête, so figir ek so lébras. Lin gagne 10 zours congé.

La police in arrête Emayel Prosper. Li dans casso.