Ene employée Air Mauritius dire ki so chef ti force li guette film porno

Rajnish Luchoomun, ene cadre dans Air Mauritius, finn comparaite devant la cour intermédiaire lundi 13 mars. Li accusé d'harcèlement sexuel par ene employée même compagnie.




Ca zafer la ti arriver en 2009. Victime la ti p travaille dans même bureau ki Rajnish Luchoomun.

Victime la dire ki Rajnish ti habitué humilier li devant zot tou. Li ti informe la direction en avril lor ban agissements Rajnish. Ensuite, en mai, li ti porte plainte station la police Beau-Bassin.

Loading...

Victime la pou servi Rajnish ene mise en demeure par la suite. Li pou aussi mette ene case civil contre li.

Li ti dire ki Rajnish ti essaye embrasse li ek ti force li pou guette film porno.

De so côté, Rajnish nier ban accusations ki ena contre li. Li dire ki ca lépok kot victime la ti porte plainte contre li, zot ti encore p communiquer par SMS. Lin fourni la cour ban messages la azordi.

Plusieurs policiers finn aussi déposé devant la cour dans ca zafer la azordi. Magistrat in fixé ene nouveau audience en mai pou écoute ban lézot témoins.

Source: L'Express