Bambous: Ene tifi 8 ans dire ki so tonton in force li faire ene fellation

Natacha, ene tifi 8 ans ki habite Bambous, in dépose ene plainte station la police Camp-Levieux contre so tonton, 45 ans, pou abus sexuels, vendredi 7 avril.




Natacha* amen ene la vie modeste. Li vive avec so grand-mère maternelle dépi ki li ena 3 mois. So parents dans prison pou ene case la drogue.

Natacha al ene l'école dans l'endroit. C'est so professeur kin rémarque ene changement dans so comportement.

Tifi la ti p force so ban camarades mette ban zafer dans zot la bouche. Professeur la in demande li ban explications.

Loading...

Natacha in raconte tout ar professeur la. Boug la in alerte CDU ek la police.

Natacha in raconte ban officiers CDU ki so tonton in faire li guette ban films porno. Li dire:

Mo grand-mère, mo tonton ek moi, nous dormi lor ene sel lili. Asoir, mo tonton faire moi guette ban mauvais films. Ek lin faire mauvais kitsoz ar moi. Lin tire so zafer lin mette dans mo la bouche. Kan mon dire mo grand-mère, li pan croire moi.

Ene médecin la police finn examine Natacha. Ensuite, CDU in place tifi la dans ene abri.

Samedi 8 avril, la police Camp-Levieux in arrête tonton la. Li dire li pan faire nanyen c ki so nièce p raconter.

Mercredi, tonton la in rétrouve liberté conditionnelle après ki lin fourni ene caution Rs 15 000.

* prénom modifié

Source: Defimedia