Attouchements: Sheik Mohammad Yaneez Jowhandy, 24 ans, coupable

You can also highlight the text to listen to it.

Sheik Mohammad Yaneez Jowhandy, 24 ans, finn réconnaite coupable pou attentat à la pudeur par la cour jeudi 25 août.




Loading...

Sheik Mohammad Yaneez Jowhandy, ki travaille kouma technicien, ti dire dans la cour ki li tousel travaille dans so famille. So avocat, Me Hemant Ramlogun, in demande la cour prend en considération so client so l'âge kan pou fixer sentence la. Sentence la pou prononcé mercredi 31 août.

Ca zafer la ti arrivé lé 7 janvier 2011. Victime la ti p sort la plage Pointe-d'Esny ti p rétourne lakaz. Lin rémarque présence ene zom dans so la cour. Sheik Mohammad Yaneez Jowhandy in demande madame la de l'eau pou boire. Kan madame la in al cherche de l'eau, boug la in tire so paréo par force ek faire ban attouchements ar li.

Femme la in débatte ek appelle à l'aide. Sheik Mohammad Yaneez Jowhandy in bourré lor so motocyclette. Mais victime la in gagne létemps note plaque immatriculation moto la.

Accusé la ti dire ki ca zour la li ti Mahebourg ek li ti plaide non-coupable. Mais magistrate Razia Jannoo-Jaunbocus in trouve version victime la plausible ek in trouve Sheik Mohammad Yaneez Jowhandy coupable.