Voici c ki ban automobilistes risquer avec amendement à Road Traffic Act

Voici la liste ban principaux changements ki pou ena dans la loi concernant Road Traffic Act.




Loading...

Conduite dangereuse ki cause la mort

Ene chauffeur kin cause la mort ene dimoune ek li coupable de conduite dangereuse pou bizin paye ene laman ki varier entre Rs 25 000 ek Rs 50 000. Li pou aussi passible d'ene la peine d'emprisonnement ki pas dépasse 5 ans.

Actuellement, la peine d'emprisonnement maximal li 3 ans.

Si chauffeur la récidiver, la peine maximale la pou ziska 8 ans ek laman la pou varier entre Rs 75 000 ek Rs 100 000.

Conduite sous influence l'alcool

Ene chauffeur kin touy ene dimoun kan li ti sous influence l'alcool pou passible d'ene peine d'emprisonnement maximal de 5 ans.

Actuellement, li 3 ans.

Si chauffeur la récidiver, li risquer ziska 8 ans prison.

Délai pou rapporte ene accident

Actuellement, ene conducteur ki impliqué dans ene accident ena 4 heures temps pou rapporte accident la police. Dorénavant, li pou ena nek 1 heure temps pou faire li.

Alcotest

Ene policier en uniforme pou kav soumette ene cycliste ou ene automobiliste à ene alcotest si li impliqué dans ene accident. Li pou aussi kav faire ene chauffeur ki p al commence conduire souffler ballon. Li pou même kav faire ene dimoune ki p accompagne ene apprenti chauffeur (learner) faire ene alcotest.

Si cycliste ou automobiliste la refuse faire ene alcotest, li pou bizin paye ene laman ki varier entre Rs 5 000 ek Rs 25 000. Si chauffeur la récidiver ek ré pas rode faire ene alcotest, minimum laman ki li pou bizin payer pou Rs 25 000. Laman maximum pou Rs 50 000 ek emprisonnement maximum pou 1 an.

Magistrat so rôle

Ene magistrat, dorénavant, pou ena possibilité suspend permis ene chauffeur ki finn arrêté avec ene taux l'alcool ki dépasse limite légale si la police faire ene demande dans ca sens la. Pas pou même bizin atan ki réconnaite chauffeur la coupable dans la cour. Délai suspension la pou déterminer par magistrat la.

C ki ena learner ek in arrête li sous influence l'alcool pas pou kav passe so permis conduire avant 6 mois. Pas pou même bizin réconnaite li coupable dans la cour. Si li pas ran so learner la cour, dimoune la pou passible d'ene laman maximum Rs 10 000 ek ene peine d'emprisonnement maximal de 12 mois.




Loading...