[Vidéos] La liste ban politiciens mauriciens kin plorer en public

You can also highlight the text to listen to it.

Après ki Premier ministre sir Anerood Jugnauth in verse ban larmes hier dans Rivière-du-Rempart, noun envi faire ene ti la liste tous ban politiciens mauriciens ki pou ene raison ou ene lot in plorer en public.




Sir Anerood Jugnauth

Sir Anerood Jugnauth in plorer hier, vendredi 7 octobre, kan li ti p koze lor so l'enfance dans Rivière-du-Rempart.

Loading...

Li pas ti kav retenir so émotions pendant ene discours ki li ti prononcer mercredi 16 septembre 2016 dans Rajiv Gandhi Science Centre (guette photo). A côté li ca zour la, Raj Dayal ti bizin tire mouchoir tout, tellement li ti émotionné.

Li ti aussi plorer dans l'Assemblée nationale kan ti rétire billet Rs 20 lor laquel ti ena so madame Lady Sarojini Jugnauth.

Mukeshwar Choonee

Mukeshwar Choonee

Kan li ti apran ki bureau DPP pas pou poursuive li, Mukeshwar Choonee, ancien ministre MSM, pas ti kav retenir so larmes. Li ti arrêté en 2003 pou ene zafer concernant la terre l'Etat.

Kailash Purryag

Kailash Purryag

Kan Kailash Purryag ti visite Bihar dans l'Inde en tant ki président de la République, gros gros larmes ti couler. Li ti p ran hommage so arrière grand-père Lakshman Paryag kan lin craquer. Lerla li ti dire “I am proud to be a Bihari”.

Li ti aussi plorer kan li ti al dans l'enterrement ban frères Teewarry dans Mahebourg en 2013. Amrish ek Karmish Teewarry, 20 ek 24 ans respectivement, ti mort dans inondations 30 mars ca l'année la. Zot ti décéder dans passage souterrain Caudan Waterfront.

Shakeel Mohamed

Shakeel Mohamed

Shakeel Mohamed ti arrêté en novembre 2015 pou conspiracy to commit murder, procuring revolver used in the commission of murder, possession of stolen property carried off, abstracted and obtained by means of a crime et giving instructions to commit larceny of a van whilst being armed of weapon.

Li ti bien ému kan li ti sorti Bail and Remand Court ek ti faire ca déclaration la: “La roue tourner. C ki zot in faire moi, mo napa pou blier.”

Sheila Bappoo

Sheila Bappoo

Sheila Bappoo ti agressée par 4 dimounes dans so lakaz lé 15 janvier 1997. Pendant zot procès en octobre 2008, Sheila Bappoo ti plorer kan avocat ti demande li identifier ban suspects la. Li ti dire à l'époque:

Li pas ti facile pou moi pou identifier ban agresseurs la. Mon bizin faire zot face. Mon reconnaite 1 ou 2 ladans. Mais li difficile pou mo identifier zot après plus ki 10 ans.

Serge Clair

Serge Clair

Serge Clair, leader Organisation du Peuple Rodriguais (OPR), ti plorer kan li ti gagne élections en 2012. Li pas ti même kav prend la parole tellement li ti ému.